സുന്ദരിപ്പട്ടം നേടി ജ്യോതി ഗുപ്ത

അചഞ്ചലമായ നിശ്ചയദാർഢ്യത്തിലൂടെ സുന്ദരിപ്പട്ടം സ്വന്തമാക്കി ജ്യോതി ഗുപ്ത. ഒറീസയിലെ കട്ടക്ക് സ്വദേശിയായ ജ്യോതി പ്രതിസന്ധികളെ പിന്നിലാക്കിയാണ് മിസിസ് ഒറീസ 2023 കിരീടം ചൂടിയത്. ഫോർ എവർ സ്റ്റാർ ഇന്ത്യ അവാർഡുകളുടെ സീസൺ 4 ഫിനാലെയിലാണ് സൗന്ദര്യമത്സരം സംഘടിപ്പിച്ചിരുന്നത്.
വീട്ടമ്മയുടെ തിരക്കുകൾക്കിടയിലാണ് ജ്യോതി സൗന്ദര്യമത്സരത്തിൽ പങ്കെടുക്കുന്നതെന്ന പ്രത്യേകതയുണ്ട്. മൂന്നു കുട്ടികളുടെ അമ്മ കൂടിയാണ് ഇവർ. വിദ്യാസാഗർ സർവകലാശാലയിൽ നിന്ന് ബിരുദം സ്വന്തമാക്കിയിട്ടുണ്ട് ജ്യോതി. ഈ നേട്ടത്തിലൂടെ കുടുംബത്തിന്റെയും സമൂഹത്തിന്റെ ആദരവ് സ്വന്തമാക്കുന്നതിന് സാധിച്ചുവെന്നു ജ്യോതി പറയുന്നു. പ്രതിസന്ധികളും തടസ്സങ്ങളുമൊക്കെ അതിജീവിച്ച് ആത്മവിശ്വാസത്തോടെ സൗന്ദര്യമത്സരവേദിയിൽ പെർഫോം ചെയ്യാൻ സാധിച്ചു. ഇങ്ങനെയൊരു പ്ലാറ്റ്ഫോം ഏതൊരു വീട്ടമ്മയ്ക്കും അനുഗ്രഹമാണ്. അവർക്ക് ചിറകുകളും തിളങ്ങാനുമുള്ള വേദിയാണിത്. എന്റെ നേട്ടം മറ്റുള്ളവർക്ക് പ്രോത്സാഹനമാണെന്നും ജ്യോതി കൂട്ടിച്ചേർത്തു.