മിസിസ്സ് രാജസ്ഥാൻ
രാജസ്ഥാനിലെ ഫ്യൂഷൻ ഗ്രൂപ്പ് സംഘടിപ്പിച്ച സൗന്ദര്യമത്സരം, മിസിസ് രാജസ്ഥാൻ-2023 മത്സരത്തിൽ റിച്ച കുൽശ്രേഷ്ഠയെ കിരീടമണിയിച്ചു. അജ്മീർ റോഡിലെ ആര്യ എഞ്ചിനീയറിംഗ് കോളേജ് ഓഡിറ്റോറിയത്തിൽ നടന്ന പരിപാടിയിൽ 20 ശ്രദ്ധേയരായ മത്സരാർത്ഥികളുടെ കഴിവുകളും സ്വപ്നങ്ങളും ആണ് റാമ്പിൽ പ്രദർശിപ്പിച്ചത്.മിസിസ് രാജസ്ഥാൻ-2023 ന്റെ ഗ്രാൻഡ് ഫിനാലെ, മികച്ച ഫൈനലിസ്റ്റുകളുടെ അതിശയിപ്പിക്കുന്നതും ആകർഷകവുമായ റാംപ് വാക്കുകൾ കൊണ്ട് പ്രേക്ഷകരെ അമ്പരപ്പിച്ചു. തൃപ്തി ബർദിയ ഫസ്റ്റ് റണ്ണറപ്പും, സീമ മീന സെക്കൻഡ് റണ്ണറപ്പും, വർഷ പിപാരിയ മൂന്നാം റണ്ണറപ്പും, പ്രീതി ഭണ്ഡാരി ഫോർത്ത് റണ്ണറപ്പും നേടി.
സദസ്സ്, ഓരോ മത്സരാർത്ഥികളെയും റാംപ് നടത്തത്തിൽ അതീവ കരഘോഷത്തോടെയാണ് അഭിനന്ദിച്ചത്. മത്സരാർത്ഥികളുടെ രാജകീയവും മികച്ചതുമായ മേക്കോവറുകൾക്ക് കാരണം സൗന്ദര്യ വിദഗ്ധനായ സ്റ്റൈലിസ്റ്റ് ദേവ് സെയ്‌നായിരുന്നു.പരിപാടിയുടെ ഔദ്യോഗിക കൊറിയോഗ്രാഫർ ബോളിവുഡ് നടൻ ഷാരൂഖ് ഖാൻ ആയിരുന്നു. വാസു ജെയിൻ ഫോട്ടോഗ്രാഫറായി സേവനമനുഷ്ഠിച്ചു. പരമ്പരാഗത രീതിയിലുള്ള തരത്തിൽ നിലവിളക്ക് കത്തിച്ചാണ് ചടങ്ങ് ആരംഭിച്ചത്. ചടങ്ങിൽ പൂജ ശർമ്മയായിരുന്നു അവതാരക. സുരേഷ് മിശ്ര, ഹോട്ടൽ സഫാരി ഗ്രൂപ്പ് ചെയർമാൻ പവൻ ഗോയൽ, ആര്യ ഗ്രൂപ്പ് ഓഫ് കോളേജ് പ്രസിഡന്റ് ഡോ. അരവിന്ദ് അഗർവാൾ, പൂജ അഗർവാൾ, ദേവാൻഷു ജെയിൻ, വാസു ജെയിൻ, പ്രകാശ് പഞ്ചാൽ എന്നിവർ ചടങ്ങിൽ പങ്കെടുത്തു.
സംഘാടകരായ യോഗേഷ് മിശ്രയും നിമിഷ മിശ്രയും എല്ലാ അതിഥികൾക്കും ഊഷ്മളമായ സ്വീകരണം നൽകുകയും മൊമന്റോകൾ സമ്മാനിക്കുകയും ചെയ്തു. എജെ ഡാൻസ് ഗ്രൂപ്പിന്റെ കിടിലൻ പ്രകടനം സദസ്സിനു സമ്മാനിച്ചു.പ്രശസ്ത ഡിസൈനർമാരായ കൃതിക സോയിനും സഞ്ജയ് ശർമ്മയും അവതരിപ്പിച്ച അതിശയിപ്പിക്കുന്ന ശേഖരങ്ങളാണ് സായാഹ്നത്തെ ഹൈലൈറ്റ് ചെയ്തത്. ജയ്പൂരിലെ പ്രശസ്ത ഡിസൈനർ മന്ദാകിനിയുടെ വിവാഹ ഗൗണുകളും പ്രശാന്ത് കുമാർ പൊദ്ദാറിന്റെ രാജകീയ ശേഖരവും പ്രേക്ഷക ശ്രദ്ധ പിടിച്ചുപറ്റി.