ചേരിയിലെ രാജകുമാരി കണ്ട സ്വപ്നം

ആഡംബര സൗന്ദര്യവർദ്ധക ഉത്പന്നങ്ങളുടെ ബ്രാൻഡ് ആയ ഫോറസ്റ്റ് എസ്സെൻഷ്ലിൽ മുഖം ആകാൻ ഇനി ബോംബെയിലെ ധാരാവി എന്ന ചേരി പ്രദേശത്തു നിന്നും മലീഷ എന്ന 14 വയസ്സുകാരി. മലീഷാ ഖർവ എന്നാണ് ആ പെൺകുട്ടിയുടെ മുഴുവൻ പേര്. ഫോറസ്റ്റ് എസെൻഷ്യൽസിന്റെ യുവതി കളക്ഷൻസ് അവതരിപ്പിക്കാൻ കമ്പനി തെരഞ്ഞെടുത്തത് ഈ 14 കാരിയെയാണ്. മുംബൈയിൽ ഒരു വീഡിയോ ചിത്രീകരണത്തിന് എത്തിയ ഹോളിവുഡ് സംവിധായകൻ റോബർട്ട് ഓഫ്മാനാണ് മലീഷയെ ആദ്യമായി വെള്ളിവെളിച്ചത്തിലേക്ക് കൂട്ടിക്കൊണ്ടുവരുന്നത്. അവളുടെ പേരിൽ ഒരു ഇൻസ്റ്റാഗ്രാം അക്കൗണ്ട് തുറന്നതും അദ്ദേഹം തന്നെ. ഇപ്പോൾ ഇൻസ്റ്റാഗ്രാമിൽ രണ്ടര ലക്ഷം ഫോളോവേഴ്സ് മലീഷക്കുണ്ട്.