ബെറ്റ്സി ജോൺസൺ എന്ന അമേരിക്കൻ ഫാഷൻ ഡിസൈനർ

ബെറ്റ്‌സി ജോൺസൺ ഒരു അമേരിക്കൻ ഫാഷൻ ഡിസൈനറാണ്.1942ൽ അമേരിക്കയിലെ കണക്റ്റിക്കട്ടിലെ വെതർസ്ഫീൽഡിൽ ലെന ജോൺ ജോൺസൺ ദമ്പതികളുടെ രണ്ടാമത്തെ കുഞ്ഞായായിരുന്നു ബെറ്റ്സിയുടെ ജനനം. നൃത്ത കലയെ ഏറെ ഇഷ്ടപ്പെട്ടിരുന്ന ബെറ്റ്സി നൃത്തത്തേ പഠനത്തോടൊപ്പം കൊണ്ടുപോയി. നൃത്തത്തോടുള്ള അധിയായ താൽപ്പര്യം അവരെ ഫാഷൻ ലോകത്തേക്ക് അടുപ്പിച്ചു. അമേരിക്കയിലെ സൈറക്കൂസ്‌ യൂണിവേഴ്സിറ്റിയിൽ നിന്ന് ഫൈ ബീറ്റ കപ്പയിൽ ബിരുദം നേടിയ അവർ മാഡെമോയ്‌സെല്ലെ എന്ന മാസികയിൽ ഒരു ഇൻ്റേൺ ആയി ജോലി നോക്കുകയും ശേഷം മാഡെമോസെൽ വാരികയുടെ ഗസ്റ്റ് എഡിറ്റർ മത്സരത്തിൽ മത്സരിക്കുകയും അതിൽ വിജയിക്കുകയും ചെയ്തു. അങ്ങെനെയാണ് ഫാഷൻ ലോകത്തിലേക്കുള്ള ബെറ്റ്സിയുടെ ആദ്യ കാൽവെപ്പ് ഉണ്ടാകുന്നത്. ശേഷം മാൻഹട്ടൻ ബോട്ടിക് പാരഫെർനാലിയയുടെ ഇൻ-ഹൗസ് ഡിസൈനറായി അവർ മാറി. ദി വെൽവെറ്റ് അണ്ടർഗ്രൗണ്ട് , എഡി സെഡ്‌ഗ്‌വിക്ക് , നിക്കോ , ലൂ റീഡ് എന്നിവരോടൊപ്പം ബെറ്റ്സി ജോൺസൺ ഫാഷൻ പ്രസ്ഥാനത്തിൻ്റെ ഭാഗമായി മാറി.

ശേഷം 1969-ൽ അവർ ന്യൂയോർക്ക് സിറ്റിയുടെ അപ്പർ ഈസ്റ്റ് സൈഡിൽ ബെറ്റ്സെ ബങ്കി നിനി എന്ന പേരിൽ ഒരു ബോട്ടിക് തുറന്നു. 1970-കളിൽ, അന്നത്തെ റോക്ക് എൻ റോൾ സംഗീതജ്ഞർക്കിടയിൽ പ്രചാരത്തിലുള്ള ഫാഷൻ ലേബൽ ആയ “അല്ലി ക്യാറ്റ്” എന്ന കമ്പനി ബെറ്റ്സി ജോൺസൺ ഏറ്റെടുത്തു നടത്തി. അങ്ങെനെ ആദ്യ വർഷത്തിൽ തന്നെ അല്ലി കാറ്റിനായുള്ള ആദ്യ ശേഖരം 5 ദശലക്ഷം ഡോളറിനു വിറ്റു. ശേഷം 1971 സെപ്റ്റംബറിൽ അവർക്ക് കോട്ടി ഫാഷൻ ക്രിട്ടിക്സ് അവാർഡ് ലഭിച്ചു.