Miss universe 2024
2024-ലെ മിസ് യൂണിവേഴ്സ് പട്ടം സ്വന്തമാക്കി ഡെന്മാർക്കിൽ നിന്നുള്ള ഹ്യൂമൻ ബാർബി എന്നറിയപ്പെടുന്ന വിക്ടോറിയ തീവിൽഗ്. ബാർബി ഡോളുമായി സാദൃശ്യമുള്ള ഹ്യൂമൻ ബാർബി എന്ന വിളിപ്പേരുള്ള ഡെന്മാർക്ക് സ്വദേശിനിയാണ് വിക്ടോറിയ തീവിൽഗ്
.
ഡെന്മാർക്കിൽ നിന്ന് മിസ് യൂണിവേഴ്സ് പട്ടംനേടുന്ന ആദ്യത്തെയാളെന്ന നേട്ടത്തോടെ ചരിത്രം കുറിച്ചിരിക്കുകയാണ് ഈ ഇരുപത്തിയൊന്നുകാരി. മിസ് ഡെന്മാർക്ക് പട്ടം കരസ്ഥമാക്കിയാണ് വിക്ടോറിയ മിസ്സ്‌ യൂണിവേഴ്സ് സൗന്ദര്യ മത്സരവേദിയിൽ ഇടംപിടിക്കുന്നത്
നൈജീരിയയിൽ നിന്നുള്ള ചിഡിമ്മ അഡെറ്റ്ഷിന ഫസ്റ്റ് റണ്ണറപ്പും മെക്സിക്കോയിൽ നിന്നുള്ള മരിയ ഫെർണാണ്ട ബെൽട്രാൻ സെക്കന്റ് റണ്ണറപ്പുമായി. നർത്തകിയും സംരംഭകയുമായ വിക്ടോറിയ ജനിച്ചതും വളർന്നതും ഡെന്മാർക്കിലാണ്. ബിസിനസ്&മാർക്കറ്റിങ്ങിൽ ബിരുദം നേടിയയാളുമാണ് വിക്ടോറിയ.
2022-ൽ മിസ് ഗ്രാന്റ് ഇന്റർനാഷണലിൽ ടോപ് 20 പട്ടികയിൽ ഇടംനേടിയ കാലത്താണ് വിക്ടോറിയയ്ക്ക് ഹ്യൂമൻ ബാർബി എന്ന ചെല്ലപ്പേര് ലഭിക്കുന്നത്. 2024-ലെ മിസ് യൂണിവേഴ്സ് ഡെൻമാർക്ക് പട്ടവും വിക്ടോറിയ സ്വന്തമാക്കിയിരുന്നു. ഇന്ത്യക്കാരിയായ റിയാ സിൻഹയും മിസ് യൂണിവേഴ്സ് മത്സരത്തിൽ പങ്കെടുത്തിരുന്നു.
പ്രാഥമിക റൗണ്ടുകളിൽ മികച്ച പ്രകടനം കാഴ്ചവെച്ച റിയയ്ക്ക് പക്ഷേ അവസാന പന്ത്രണ്ടു പേരുടെ പട്ടികയിൽ ഇടം നേടാനായില്ല. ഗുജറാത്ത് സ്വദേശിയായ റിയാ സിൻഹ മിസ് ടീൻ എർത്ത് 2023 പട്ടവും ദിവാ മിസ് ടീൻ ഗുജറാത്ത് 2020 പട്ടവും കരസ്ഥമാക്കിയിരുന്നു.