സാറാ ബർട്ടൻ എന്ന ഇംഗ്ലീഷ് ഫാഷൻ ഡിസൈനർ 

ലണ്ടൻ എന്ന മഹാ നഗരത്തിലെ മാക്‌സിലേഫീൽഡ് എന്ന കൊച്ചു കച്ചവട ഗ്രാമത്തിലെ ഡയാനയുടെയും ആന്റണിയുടെയും അഞ്ചുമക്കളിലൊരാൾ. അവളുടെ പേര്ണ് സാറ ജെയിൻ ബർട്ടൺ… മിടുക്കിയായിരുന്നു ഈ കൊച്ചു പെൺകുട്ടി. വർണശബളമായ കുട്ടിക്കാലമായിരുന്നു സാറയുടേത്. നിറങ്ങളെ ഇഷ്ടപ്പെട്ടിരുന്ന, പുതുമകളെ സ്വീകരിക്കാനിഷ്ടപ്പെട്ടിരുന്ന അവൾ ഇന്ന് ലോകമറിയുന്ന ഒരു ഫാഷൻ ഡിസൈനർ ആണ്. ഇംഗ്ലീഷ് ഫാഷൻ ഡിസൈനർ സാറ ഇന്ന് ഇംഗ്ലണ്ടിലെ വസ്ത്ര ശേഖരങ്ങളുടെ കമ്പനിയായ മക് ക്വീൻസിൻറെ ക്രിയേറ്റീവ് ഡയറക്റ്റർ കൂടിയാണ്.

ഫാഷൻ ഡിസൈനർലേക്കുള്ള യാത്ര

1974-ൽ ആയിരുന്നു സാറയുടെ ജനനം. പ്രൈമറി വിദ്യാഭ്യാസം ഇംഗ്ലണ്ടിലെ വിതിങ്ടൺ ഗേൾസ് സ്കൂളിൽ ആയിരുന്നു. ശേഷം ഇംഗ്ലണ്ടിലെ മാഞ്ചസ്റ്റർ എന്ന സ്ഥലത്തുനിന്നും ആർട്ട് ഫൌണ്ടേഷൻ കോഴ്സ് ചെയ്തു. പിന്നീട് സെൻട്രൽ സെയ്ന്റ് മാർട്ടിൻസ് കോളേജ് ഓഫ് ആർട്സ് ഡിസൈനിൽ നിന്നും പ്രിന്റ് ഫാഷൻ എന്ന കോഴ്സ് ചെയ്യുകയും പഠനത്തിൻറെ മൂന്നാം വർഷ കാലയളവിൽ തന്നെ ലണ്ടനിലെ മക്  ക്യുൻസ് എന്ന വസ്ത്ര വ്യാപാര കമ്പനിയിൽ താൽക്കാലിക ജോലിയിൽ പ്രവേശിക്കുകയായിരുന്നു സാറ.

പിന്നീട് 1997-ൽ മക് ക്യുൻസ് കമ്പനി  സ്ഥാപകനായ മക് ക്യുൻസിന്റെ പഴ്സണൽ അസിസ്റ്റന്റ് ആയി സാറയെ സ്ഥിരപ്പെടുത്തി. 2000-ത്തിൽ മക് ക്യുൻസ് വനിതാ ശേഖരണത്തിന്റെ തലവനായി സാറ ചുമതലയേറ്റു. ആ സമയങ്ങളിൽ പ്രഥമ വനിത മിഷേൽ ഒബാമ ( മുൻ അമേരിക്കൻ പ്രസിഡന്റിലെ പത്നി ), കാതറിൻ എലീസ് ബ്ലാഞ്ചെട് ( ഓസ്‌ട്രേലിയൻ അഭിനേത്രിയും സംവിധായികയും), ലേഡി ഗാഗ (അമേരിക്കൻ പ്രശസ്ത ഗായിക), ഗൈനെത് പാൾട്രോ( അമേരിക്കയിലെ പ്രശസ്ത അഭിനേത്രി ) തുടങ്ങിയവർക്കുള്ള വസ്ത്രങ്ങൾ ഡിസൈൻ ചെയ്യാനും സാറക്ക് കഴിഞ്ഞു.
2010-ൽ  മക് ക്വീൻ സ്ഥാപകനും ഉടമയുമായ മക് ക്വീൻറെ കാല ശേഷം കമ്പനിയുടെ ക്രീയേറ്റീവ് ഡയറക്റ്റായി സാറയെ ചുമതലപ്പെടുത്തി. ആ വർഷം തന്നെ സെപ്റ്റംബറിൽ മക്ക്വീൻറെ ആദ്യ വനിതാ വസ്ത്ര  ശേഖരണത്തിന്റെ പ്രദർശനം ഫ്രാൻസിന്റെ തലസ്ഥാനമായ പാരിസിൽ പ്രദർശിപ്പിച്ചു. പ്രദർശനം ശ്രദ്ധിക്കപ്പെട്ടു. ഇതിനു ശേഷം സാറയുടെ യാത്ര പ്രശസ്തിയിലേക്കായിരുന്നു.